"Spiderman" mavzusida tort va bezaklar

Assalomu alaykum!
Vaqtni o'tishini qarang. Ko'z ochib yumgunimcha o'g'limiz bir pastda 8 yosh bo'libdi! Agar o'g'lingiz bo'lsa, bir kuni u albatta Spiderman tort, kostyum, o'yinchog'i yoki yana bir nimalarini sizdan olib berishni yoki, yasab berishni iltimos qilsa ajabmas :)
O'g'lim uchun mening syurprizim Spiderman tort va uy bezaklari bo'ldi.

Tortni tayyorlanishini qadam baqadam rasmga ola olmaganim uchun oldiniga Blogga qo'ymoqchi emasdim. Lekin keyinchalik, kimgadir g'oya asqotib qolar degan umidda qo'yishga qaror qildim.

 

Tortni asosi uchun  Nafis shokoladlik tortni tanladim. Ustini Ganash bilan tekisladim. Hudo hohlasa, Ganash haqida yaqin kunlarda alohida mavzu yarataman. Shungacha yozma receptdan foydalanib turishingiz mumkin. (Savollar bo`lsa, bemalol izohlarda qoldirisingiz mumkin).

 Ganash:

• 250 gr shokolad
• 250 ml.qaymoq

Qaymoqni past olovda qaynash darajasiga yetgunga qadar (lekin qaynatmaysiz) qizdirasiz va shokolad ustiga quyasiz. 1-2 minutcha qoshiq (venchik) yordamida aralashtirib, ozgina sovishga qo'yasiz. Ganash sovigach, yana 1-2 minut aralashtirasiz, lekin aslo ko`pirtirmaysiz. Krem holigamas balki, quyuq shokoladli massa holiga kelishi kerak.
Hullas tortimizni Ganash bn tekislaganimizdan so'ng, sovitgichga qo'yib qo'yamiz va Mastikadan bezaklarimizni taryyorlab olamiz.

 Spidermanni o'zini 2 kun oldin yasab qurishga qo'yib qo'ydim. Qo'llari, kallasi va beldan yuqori qismlarini alohida yasab olib keyin, tish kovlagich bilan birlashtirdim. Mastikadan figuralar yasashga ustamasman. Agar u bu joyi qiyshiqroq va noto'g'ri bo`lsa, aybga buyurmaysiz :)

 

Spiderman o'tirgan ko'k rangli doira uchun, oq mastikaga ko'k rang(geleviy kraska - AmeriColor, 134 Navy Blue)dan 2-3 tomchi qo'shdim. Ataylab, ko'p mushlamadim, chunki, mramarniy effekt bermoqchi bo'ldim, lekin baribir istaganimday bo'lmadi. 

Doirani tort qolipimdan 1 sm cha kichkinaroq boshqa qolib yordamida kesib oldim va tort ustiga qo'ydim. Shu joyida xato qilibman. Vaqtim kamligi uchun shoshqoloqlik qildim. Keib olgan doirani shu zaxoti qo'ymasdan, balki 1 soatlardan keyin, mastikali doira ozgina qurigach qo'ysam, tekkisroq chiqardi. Ha mayli, keyingi gal ;)

Tort yonlariga hohlagan rangli mastikadan "uy"lar qo'yamiz. Hohishga qarab u bu joylariga, to'rlar qilamiz :)

Endi uy bezaklariga o'tsak: Uy bezaklari uchun Spiderman mavzusidagi 1-2 Print qiladigan saytlardan rasmlar saqlab olib print qildim. Afsuski saytlar adreslarini saqlab qo`ymagan ekanman. Saytlarda tekin Print qilishga ruhsat berilgani uchun, Blogimda rasmlar bn ulashsam sayt egalari hafa bo`lishmasa kerak...

1. Tug'ilgan kun egasini ismini yozish uchun bayroqchalar. 

2. Salfetka bog'ichi

3. Ichimlik ichishga mo'ljallangan trubka bezaklari

 4. Suv, sok hullas ichimlik shishalari etiketkasi

Manimcha hammasini yozdim. Bezaklar rasmlarini sichqoncha yordamida bossangiz, katta hajmda va bemalol yuqori sifatda saqlab olishingiz mukin. Savollar bo'lsa bemalol, tortinmasdan, izoxlarda qoldiring. imkon qadar javob berishga harakat qilaman.

Yaxshi kunlarda uchrashguncha :)

"Наполеон" шоколадный

 

"Shokoladniy Napoleon" hamiri uchun:

* 2 va 3/4 stakan un (man 2 st. qora un va 3/4 st. oq un ishlatdim)
* 1 choy qoshiq tuz
* 150 ml. sovuq suv
* 70 gr. sl. maslo yoki margarin
* 345 gr. sl. yog'
* 0,5 stakan kakao


Krem zavarnoy:

* 2 tuhum
* 2 osh qoshiq un
* 1 stakan shakar
* 3 takan sut
* 5 osh qoshiq kakao
* 100 gr. sl. yog'
* 0,5 stakan shokolad chips
* vanilin

Tayyorlanishi :
Hona haroratidagi yog' bn kakaoni aralashtirib, plenka orasiga o'rab 30-45 minutga holodil'nikka qo'yib qo'yamiz

Yog' qotguniga qadar hamirni qoramiz. Un, tuz va qirg'ichdan chiqqan(yog'ni unga botirib qirg'ichdan chiqazsa qo'lingizda erib ketishini oldini oladi va qirg`ich ham tozaroq qoladi ) yog`ni yaxshilab uqalab, muzday suvni solib hamir qoramiz. Hamirni ozgina yoyib, paketga o'rab 30 minutga holodil'nikka qo'yamiz.

30 minutdan keyin hamirni ozgina yoyib, o'rtasiga kakaoli yog'ni qo'yib 4 tamonini ham yaxshilab o'rab...

25x40 sm qilib yoyib rasmda ko'rsatilgandek bukib olamiz va o'rab yana vaqtingiz bo`lgunga qadar holodil'nikka joylaymiz

Vaqtingiz bo'lganda, yana holodil'nikdan olib, yoyib, bukib, o'rab, joyiga qo'yib qo'yamiz...

Shu tarzda yana 2 marta ...
2 marta qatlab, holodil'nikka qo'yganimdan keyin 3-martasida chalkashib ketmasligim uchun nuqtalar bn belgiladim. Man 5 marta qatladim. Aslida 5-da pishirishim kerak edi. Endi yoyganimda, dugonam bir ish bn kelib qoldida, boshqattan buklab jo'yiga qo'yib qo'ydim . 4 marta yoyilgani keragidanam ortiq yetadi!!!

Hamir barakali chiqdi. Teng yarmini keyin ishlatishga olib qo'dimda, qolgan yarmini 12 bo'lakka bo'lib, har birini yoyib, qizdirilgan duhovkada har birini 5-6 minutda pishirib olamiz.

Krem tayyorlanishini ko'pchiliimiz bilamiz. Bu safar kremniyam sal boshqacharoq ya'ni bo'lishini istadim va quyidagicha tayyorladim:

Tuhum, shakar, un va sutni aralashtirib, har doimgidek quyilguncha, gazda doimiy aralashtirib turgan holda, pishirib oldim. Issiqligida 3 osh qoshiq kakaoni qo'shib, 1-2 soatga chetga olib qo'yamiz. Krem butunlay sovishi kerak.

Boshqa idishda hona haroratidagi saryog' bilan 2 osh qoshiq kakaoni aralashtiramiz

Suv bug'ida eritilgan shokoladni qo'shib yana aralashtiramiz. Sovigan Zavarnoy kremni qo'shib, mikserda ko'pirtiramiz. Quyuq va vozdushniy krem tayyor bo`ldi.

Korjlarni kremlab, chetidan ortgan kusoklarni,  maydalab ustiga  va chetlariga sepamiz. 5-6 soatga muzlatkichga qo'yamiz.

5-6 soatga sabrimiz yetmadi! 2 kun ketgan vaqtim samarasini tezroq tatish maqsadida 1-2 soatlarga kesdik.

Natija!!! :)

Yoqimli ishtaxa!!!

Tort "Syurpriz"

Oddiy keksni kesganda ichidan syurpriz chiqishiga nima deysiz :)

Bunday syurpriz tort uchun bizga, 2 rangli tort kerak bo'ladi. Men ichidagi "Syurpriz"ni yurak shaklida qilganim uchun, Red Velvet  hamirini tanladim. Red Velvet yog'li bo'lgani uchun, asos tort uchun ham yog'li keks tanladim. Oq keksga qora un ishlatganim sababli, sarg'imtir rangda chiqdi. Siz istagan uningizni ishlatishingiz mumkin.

Masalliqlar:

• 5-6 dona Red Velvet muffinlari 

Oq rangli keks uchun:

• 100 gr. saryog'(sl.maslo(hona haroratida))
• 0,5 st. shakar
• 2 tuhum
• vanilin
• 60 ml.sut
• 1 st. un
• 1/4 choy qoshiq tuz
• 0,5 choy qoshiq razrihlitel'
• 1/4 choy qoshiq iste'mol sodasi
• 1 choy qoshiq uksus

 Krem:

•  1 pachka (250 gr) cream cheese (sl. sir)
•  0,5 st. shakar
•  0,5 st. qaymoq
•  vanilin

Tayorlanishi:

Oldin, receptga asosan Red Velvet muffinlarini pishirib olamiz. Muffinlar sovigunga qadar, oq rangli keksimizni tayyorlaymiz.

Hona haroratidagi saryog' bn shakarni aralashtirib, bittadan tuhum qo'shib yaxshilab aralashtiramiz. Aralashmaga un, tuz, razrihlitel', vanilin va sutni qo'shib, 2 minutcha mikserda aralashtiramiz. Ohirida soda bn uksusni aralashtirib, hamirga qo'shamiz. Man non formasida pishirganim uchun, tort esa, formadan balandroq bo'lishi kutilgani cuhun, 2 qat alyumin qog'oz bilan balandroq qilib o'rab, hamir tagiga pergament qog'oz to'shadim.

Hamirni 1/3 qismini qolipga solib, usti tekiz kesilgann muffinlarimizni

tahlab chikamiz va shashlik cho'pi (spajka) bilan biriktiramiz. (Shu jarayonni rasmga olmaganman) Ustiga qolgan hamirimizni solib, qizgan duhovkada qizarib chiqquncha pishirib olamiz

Hohishga qarab bezatamiz

 

Red Velvet Cup cake

Red Velvet (Qizil duhoba) torti, mani sevimli tortlarimdan biri. Bu safar, boshqa bir g'oya uchun cup cake qilishga to'g'ri keldi. Hohlasangiz kremsiz muffin qisangiz ham bo'ladi.
12 dona Cup cake (muffin) uchun

Masalliqlar:

• 1 1/4 stakan un (man 1 st. qora 1/4 st, oq un ishlatdim)
• 0,5 choy qoshiq razrihlitel'
• 1/4 choy qoshiq tuz
• 1 osh qoshiq kakao
• 60 gr. hona haroratidagi sl.maslo
• 3/4 st. shakar (man 0,5 st. soldim)
• 1 tuhum
• Vanilin
• 0,5 st. suyuq qatiq (Buttermilk*)
• 1 osh qoshiq suyuq qizil iste'mol kraskasi
• 0,5 choy qoshiq sirka (oq uksus)
• 0,5 choy qoshiq iste'mol sodasi

 Krem:

•  1 pachka (250 gr) cream cheese (sl. sir)
•  0,5 st. shakar
•  0,5 st. qaymoq
•  vanilin

 Tayorlanishi:

Duhovkani 350F (180C)ga qizishga qo'yib qo'ying.
Shakar va iste'mol sodasidan boshqa quruq masalliqlarni aralashtiramiz. Boshqa idishda hona haroratidagi saryog' bilan shakarni aralashtirib, bittadan tuhum qo'shamiz.

Kichkinaroq idishda qatiq va kraskani aralashirib, yog'li massaga qo'shib, ketidan unli aralashmani solib, aralashtiriladi.
Kichkina idishchada uksus bilan sodani aralashtirib, tezgina hamirimizga qo'shib, aralashtirib olamiz.
Hamirni muffin qoliplariga solib, qizgan duhovkada 18-20 minut, yoki cho'p tiqib ko'rilganda quruq chiqquncha pishirib olamiz.

Krem tayyorlash uchun:

Cream cheese bilan shakarni yaxshilab aralashtiramiz 

va vanilin bn qaymoqniyam qo'shib, 

yengil krem bo'lgunga qadar ko'pirtiramiz.

 Pishib chiqqan muffinlarni soviganidan keyin, hohishga qarab bezatiladi

 Yoqimli ishtaxa!!!

Spring carrot cake

 

Ingridients:

Masalliqlar:

• 2 stakan un
• 2 choy qoshiq dolchin
• 2 choy qoshiq razrihlitel'
• 0,5 choy qoshiq iste'mol sodasi
• 2  stakan shakar
• 1 stakan makkajo`hori yog`i (yoki oddiy o`simlik yog`i)
• 4 tuhum
• 2 stakan qirg`ichdan o`tkazilgan sabzi (2 - 3 dona sabzi)
• 100 gr. konservolangan ananas (manda mevalar aralashmasi)
• 0,5 stakan kokos qirindisi
• 0,5 stakan ezilgan yong`oq 
• 1/3 stakan shokolad

Duhovkani 350 F (177C) ga qizdirishga qo`ying.

yog' va shakarni aralashtiring

tuhumni qo`shing

boshqa idishda un, dolchin, iste'mol sodasi, razrihlitelni aralashtirib...

quruq masallilarni, tuhumli aralashmaga qo`shing.

sabzi, kokos qirindisi, yong`oq, shokolad va konservolanagan mevalarni qoshib, qoring.

idishga quying va 45 minut qizgan duhovkada pishiring

 

  

yoki usti chiroyli qizarib pishib, cho`p tiqqanda quruq 

Ready!

Note: You can put on the cake melted chocolate or icing.

Qo'l soati - Наручные часы

 

Bu tort sovg'a sifatida tayyorlandi. Sovg'a qutisida qo'l soati.

Agar siz ham shu g'oya asosida tort qilish niyatida bo'lsangiz kamida 3 kun oldndan harakatni boshlashingizni maslahat berardim. Biroz fantaziya va mastika bilan ishlash qobiliyati bo'lsa bo'ldi. Mastika bilan ishlashni, bolaligimizda plastilinlardan nimalar yasardik, qanday qilib yasardik, shularni esga tushurish uchun, bolalarimiz bilan plastilinlardan u bu narsa yasab, "trenirovka" qilishimiz mumkin :)

Oldindan iste'mol bo'yoqlari va mo'yqalamlarni tayyorlab qo'yamiz. 

Hohlasangiz siz mastikaga rang qo'shib rang chiqarishiz mumkin, 

man oldindan soat va kamarini, quti chetlarini yasab, 1 kun honada quritib bo'yab oldim. Buning uchun 1-2 osh qoshiq suvga hohlagan rangni chiqarish uchun bo`yoq qo`shib, mo`yqalam yordamida bo`yab, quritib olamiz.

 

Tort taqdim qilinadigan kundan 1 kun oldin to'g'ri burchakli qolibda Nafis shokoladli tort pishirib,

(siz  hohlagan tortingizni asos qilib olishingiz mumkin) kvadrat shaklida kesib, kakao qo'shilgan qaymoqli krem bn kremlab, yonidan kesib olingan to'g'ri burchakni kvadrat ustiga qo'yib, ustiga oddiy qaymoqli krem suramiz (chunki, ustiga oq mastika yopilganda, mastika tagidan boshqa rang hunuk ko'rinadi).

 Holodilnikka qo'yib, ustidagi krem qotgach, quti chetlari uchun oldindan  kesib, quritib, bo'yab yana quritib qo'ygan to'g'ri burchaklarni, tortimiz yonlariga yopishtirib, yaxshiroq qotib yopishishi uchun holodil'nikka qo'yamiz. Shungacha rang qo'shilmagan mastikani krahmal yordamida yupqa yoyib olamiz va tort ustiga tekislamasdan yopamiz. 

Uni ustiga tayyor soatni qo'yib qo'yamiz.

 

Agar g'oya asqotib, yaxshi kunlaringizda dasturhoningiz bezagi bo'lishiga umid qilib

Bekajon:)

O'xshash mavzular: