Turkcha pilav - Турецкий пилав

Turklarda pilavning bir qancha turi mavjud bo'lib, eng keng tarqalgan turi bu - "Şehriyeli Pilav"dir. Bu pilav ta'rifini 3-4 yil oldin, Turkiyadagi dugonam Guldan olganimdan juda hursand bo'lganman. Chunki kattalar bilan bir qatorda bolalarimning ham sevimli garniriga aylangan bu ajoyib taom ta'rifi uchun fursatdan foydalanib, Gulga oilam nomidan minnatdorchiligimni bildirmoqchiman. Aynan manashu taom tufayli Turk oshxonasiga qiziqishim yanada ortdi. Demak,

Kerakli masalliqlar:

• 1/2 stakan Şehriye (guruchga o'xshagan maxsus makaron. eng. - Orzo pasta)
• 1 cho'mich o'simlik yog'i
• 2 stakan guruch
• 3 stakan suv
• tuz

qozoncha yoki kostrulkada qizgan yog'ga Şehriyeni solib..

aralashtirib turib qizartiramiz

guruchni qo'shib...

bir aralashtirib...

3 stakan suv va ta'bga ko'ra tuz solamiz

qaynab chiqqach olovni sal pasaytirib...

ochiq holda suvini qochiramiz (huddi oshni dimlashdan oldingi jarayoni kabi )

qopqog'ini yopib past olovda oldin 10 minut,
10 minutdan keyin qopqoqni ochib bir ag'darib, yana 10 minutga qo'yamiz.

Tayyor!!!


Bu taomni garnir sifatida - kotletlar bilan,

tovuqli podlivo bilan,

 Go'shtli rulet bilan garnir sifatida tavsiya qilgan bo'lardim.

Agar qo'l ostingizda Şehriye (orzo) bo'lmasa,
oddiy mayda vermeshel' ishlatish mumkin!!!

Yoqimli ishtaxa!!!

Go'shtli rulet - Мясной рулет

 Kerakli masalliqlar:

• 0,5 kg. qiyma
• 100-150ml. Sut
• 3 bo'lak toster non
• 1 dona sabzi(mayda qirg'chdan chiqarilgan)
• 1 dona katta piyoz(mayda qilib to'g'ralgan)
• 1 osh qoshiq mayonez
• 1 bog' ko'kat
• Qora murch
• Tuz
• 3 tuxum 
• Yog'

 Qiyma, to'g'ralgan piyoz, mayda qurg'ichdan o'tkazilgan sabzi, mayonez, sutda bo'ktirilgan non, mayda to'g'ralgan ko'kat, ta'bga ko'ra tuz va murch qo'shilib, hammasi yaxshilab, qo'lda 10-15 minut (kamida) aralashtiriladi.

 3 tuxumni ta'bga ko'ra tuz va qora murch qo'shib aralashtirib, 2 osh qoshig'ini alohida ruletni ustiga surish uchun olib qo'yib, qolganini...

 ozgina yog'da qovurib olamiz.

 Qiymani plenka(pishevaya) ustiga bir tekis qilib yoyib, bir chetiga qovurib, to'g'largan tuxum (va hohishga ko'ra yirik qalamcha qilib to'g'ralgan pishloq)ni qoyib...

 plenka yordamida bir tekisda siqib, rulet qilib o'rab olamiz.

 Go'shtli ruletimizni yoglangan fol'gaga qo'yib, ustiga quymoqdan olib qolgan tuxumni surib, 380F(190C) da qizgan duhovka o'rta qatorida 30-40 minut pishirib olamiz.

 Yoqimli ishtaxa!!!